Fillo do médico rural José Velo Castro e de Dolores Cobelas Alberte, Carlos naceu no lugar de Pereiros, na vila ourensán de Cartelle. Fixo o ensino primario na escola da aldea e ós dez anos xa estaba no instituto de Ourense, onde remata o bacharelato en 1925 con premio extraordinario.

Nun ambiente intelectual e culturaI moi galeguizado daquela na capital provincial, fixo amizade cos irmáns Lourenzo, sobre todo con Xaquín, e comezou a súa afección ó cine, primeiro como espectador e despois como membro dun peculiar equipo de filmadores con Augusto Pacheco, Antonio Román e o propio Xaquin Lourenzo "Xocas", reunidos por veces no estudio fotográfico do pai do primeiro, José Pacheco. De seguido graduouse como mestre nacional na Escola Normal, onde frecuentan as aulas de persoeiros como Otero Pedraio e Vicente Risco. Marcha a Madrid obedecendo o desexo paterno de...

Co fin de apoiar aos realizadores e elevar a calidade de obras fílmicas de non ficción, TV UNAM e a Fundación Carlos Velo de España convocan á comunidade fílmica de México e España a participar no Taller Carlos Velo para a postproducción de longametraxes de non ficción.

Os seleccionados faranse acredores a un apoio económico para axudar á conclusión das súas longametraxes e dunha asesoría analítica e conceptual de recoñecidos cineastas, conforme ás bases da participación.

A Fundación Carlos Velo promove a celebración dunhas xornadas sobre a figura, a obra e o legado do director coincidindo coa celebración do 110 aniversario do seu nacemento en Cartelle.

Para facer realidade este proxecto a FCV contou coa colaboración de Facultade de Ciencias da Comunicación da USC e dun equipo formado por membros da fundación pertencentes á Universidade de Vigo e á Universidade de A Coruña.

Durante dous días, no simposio que se desenvolverá en Compostela, incidirase en aspectos vencellados ao traballo de Carlos Velo ou á realidade das diferentes etapas e escenarios sociais nos que lle tocou vivir en España e en México.